Mennesket er eit oppreist, vandrande vesen. Dette er den konkrete årsaka til vår suksess som art. Likevel er det sjeldan me tenkjer over kor viktig det er å kunna gå eller vandra. Særleg dei formålslause, upretensiøse vandringane har ein tendens til å bli oversette.

For å utforska den livsviktige aktiviteten som vandring er, har forfattaren teke for seg mange tekstar i ulike sjangrar, frå romantikkens idealistiske syn på det å vandra og fram til vår tids vandremåtar. Ein gjennomgåande idé er at det er naudsynt å vandra for å få ei god forståing av dei omgjevnadene me har rundt oss, anten det dreiar seg om naturen eller om urbane miljø. Vandraren er dessutan ein potensiell opprørar, sidan det å vandra kan innebera ein stille protest mot den dominerande plassen som bilen har i samfunnet. Boka har elles eigne kapittel om forholdet mellom vandring og tenking, og om samanhengen mellom vandring og poesi. I visse tilfelle blir vandring og skriving to sider av same sak, for i begge aktivitetane dreiar det seg om å utforska det rommet me alle lever i. Vandring og skrift glir i hop til éin, meiningsskapande aktivitet.


Finn Tveito har dr.art.-grad i allmenn litteraturvitskap, og er førsteamanuensis ved Universitetet i Stavanger.

Innhaldsliste

Innleiing 7

Kapittel 1: Vandring i romantikkens lys 21

Wordsworth og den poetiske vandraren 22

Vandreessayistane 32

Henry David Thoreau 44


Kapittel 2: Byvandring 57

Flanøren 59

Virginia Woolf 78

Vandring og skrift i tre norske romanar 88


Kapittel 3: Vandring og tenking 107

Den tenkjande vandraren: Gehen

av Thomas Bernhard 108

Vandring som middel til erkjenning:

Die Abwesenheit av Peter Handke 115

Skisse til ein vandrefilosofi 124


Kapittel 4: Vandring og poesi 135

Morgongryets vandrar: Arthur Rimbaud 136

Vandredikt 150


Kapittel 5: Fleire steg, nye perspektiv 167

Vegen, stien 169

Når vandraren stansar: Slottet av Franz Kafka 174

Energien frå vandringa: Gå. (Eller kunsten

å leve et vilt og poetisk liv) av Tomas Espedal 180

Er vandraren ein opprørar? 196


Sluttord 211


Notar 221


Litteratur 239

ISBN 978-82-7099-539-4, 248 sider, heftet
Format: 12x19,5 cm, vekt 0,3 kg, publiseringsår 2010